انتهى الماتش على خير و لله الحمد وحقق الاهلى مباراة جيدة نتيجة و اداءا
بس كان لى كام ملاحظة
اولا : لازم نخلى بالنا قوى سواء اهلى او زمالك لان الكاف ابن الحلال
ناوى لينا على نية مش كويسة
والدليل على ذلك المستوى المتدنى للتحكيم فى مبارة الاهلى
اخطاء الحكم:
1-واقف يتفرج على لاعبى بلاتينيوم وهما بيضيعوا وقت واكتفى بانذار الحارس وهو انذار غير مؤثر
2-مية فاولات غير عادية ومنها فى الشوط الاول 4 كور على حدود المنطقة و العرقلة بتكون متعمدة وبتمنع فرصة واعدة مع ذلك ماطلعش الكارت مرة واحدة
3-تغاضى عن طرد لاعب بلاتينيوم اللى داس على رجل بركات بمنتهى القوة ومرت اللعبة مرور الكرام
4-تغاضى عن طرد لاعب بلاتينيوم فى الشوط الثانى ضرب بركات بالبوكس فى كورة فى نص الملعب فى اول 15 دقيقة من الشوط التانى
5-اول لما الاهى جاب الجون الاول بلاتينوم سنتر ولعب الكورة بسرعة طلعت اوت للاهلى الحكم راح للى معاه الكورة وقعد يستحثه ويحذره انه يلعب بسرعة وفلافيو خارج برة الملعب بردة رايح وعمال يزق فيه سبحان الله
6-انذار احمد السيد فى اول كورة تستحق الانذار
7-فى منتصف الشوط التانى الحكم عمل كورة كوميدية لما فى اتني لعيبة دخلوا على بركات على الخط
واحد منهم ضرب بركات الحكم اعطى انذار للى جنبه
اه والله ومن مكانى اطالب الاشراف ان لو عضو غلط يطردوا العضو اللى جنبه
@@@@@@@@@@@@@@@@@@@@@@@@@@@@@@
ثانيا : بالنسبة لجوزيه
فى حاجة محيرانى مش عارف ايه سببها جوزيه على طول بيتاخر فى التغيير
و تخيلوا لو لا قدر الله الاهلى كان دخل فيه جون كنت هتلاقيه عمل تغييرين مرة واحدة
خاصة ان كان فيه كام لعيب النهاردة مش على المستوى على ابسط تقدير ابو تريكة وبوجا وعاشور على فترات وحتى فلافيو نفسه قبل ما يجيب الجون ماعملش اى حاجة
ومع ذلك اتاخر فى التغيير
خاصة ان اللعيبة اللى برةه هتنزل وهى لسة فريش وكلهم ناس عايزين يثبتوا وجودهم زى بلال واينو
ونزل بلال فى اخر خمس دقايق والاسم ان بلال اخد الفرصة رغم ان الكورة ماجتش ليه غير مرتين
واتحسبت عليه انه اخد الفرصة و لما يلعب مع شوية شباب تتحسب عليه فرصة
يا مستر ادى فرصة كويسة لاحمد بلال وادع لى
لكن الحمد لله ان جوزيه تخلى عن الخطة الكئيبة باللعب ب3 هاف دفندر كانت احسن طريقة تضمن ان الاهلى ينضغط بيها ويخش فينا اجوان كمان
@@@@@@@@@@@@@@@@@@@@@@@@@@@@@
ثالثا : فى ظل المعطيات الحالية الاهلى قدم مباراة اكثر من رائعة طب ازاى
1-ماذا تفعل لو اديتك مسالة و اديتلك معطيات وكل شوية اغيرلك المعطيات هتعمل !!!!!!
ايه ده اللى حصل مع جوزيه
بدا الموسم بتشكيل مكنون من الهارب-النحاس-جمعة-شادى-بركات-شوقى-حسن مصطفى-جيلبرتو
تريكة-متعب-فلافيو
ثم تفاجا باحتراف شوقى و جمعة و حسن مصطفى
ودخول محمد سمير واحمد فتحى واينو
ثم تفاجا بهروب عصام الحضرى
ثم تفاجا بكسر ايد اينو وغيابه لشهرين و نصف
ثم تفاجا باصابة النحاس و احمد فتحى
واصابات الشاطر وبركات المتقطعة
فكيف تطالب بثبات الاداء او التشكيل
هل تتخيل ان التشكيل الذى لعب به الاهلى مثلا يغيب عنه نصف الفريق الاساسى
فكيف تطلب من لاعبى الاهلى اكثر مما قدموه اليوم
والملاحظ والمتابع يجد ان اصابات او احتراف لاعبى الاهلى جه فى مقتل
كل اللى احترفوا او اصيبوا بيلعبوا فى مراكز دفاعية
الهارب-النحاس-جمعة-احمد فتحى-شوقى-حسن مصطفى-اينو
هل تتخيلوا ان الاهلى رغم كل هذا العجز الشديد بيكسب
وبعد كل هذا جوزيه فى ال3 مباريات المتبقية مطالب بتغيير التشكيل للمرة المليون
بتجربة الشباب والصف التانى واراحة 6 على الاقل من اللعيبة
حقا كان الله فى العون يا مستر
2-حالة غير عادية تظهر على لاعبى الاهلى وكانهم يجرون اقداما من الاسمنت المسلح ومع ذلك ينجح الاهلى فى الفوز بالدورى بكل سهولة ويصعد لدورى ا لمجموعات ولك ان تتخيل ان هؤلاء الاعبين لم يحصلوا على راحة وهم احمد فتحى و متعب وتريكة وشادى محمد وفلافيو و جيلبرتو
ورغم حالة الارهاق والتشبع للاعبى الاهلى المدعو الكابتن الجوهى المستشار الكروى والخبير الفطحل مش عايز اللعيبة تستريح طب حد يقولى لو اللعيبة ماستريحتش دلوقتى هتستريح امتى
@@@@@@@@@@@@@@@@@@@@@@@@@@@@@@
رابعا : تقديرات لاعبى الاهلى :
امير عبد الحميد : حط عقلك فى راسك تتعرف قلنا ى الاول هنستحملك لغاية لما تخش فورمة لكن للاسف مستواك فى النازل 7 \10
محمد سمير : اداؤك فى تحسن وانت مستقبل الاهى فى الدفاع لازم تنشف اكثر من كدة شوية و لازم برضة تزيد كثير 8\10
شادى محمد : انا ملتمس ليك كل العذر اصابا وارهاق و منتخب ومع ذلك محافظ على ادؤك ربنا يحميك يا كابتن الفريق 8\10
احمد السيد : فتوة النادى الاهلى الميزة الوحيدة فى انه بيزيد مع المهاجمين لكن بيلعب بعنف بيضرب كثير من غير كورة 6\10
بركات : كنت مختفى النهاردة فىا لشوط الاول وظهرت فى الشوط التانى على فترات وعندك احسن من كدة بس معذور 7.5\10
جيلبرتو : لاعب المباراة ومن ساعة ما رجعت من كاس الامم ومستواك فى تصاعد مستمر ربنا يكرمك يا فهد ويهديك 10\10
بوجا : مستواه فى الصاعد ولاعب خلوق ومش بتاع مشاكل بس المشكلة ان مع ارتفاع مستواه لكن برضة لا يصلح 7.5\10
عاشور : اداؤك فى تراجع والنهاردة كنت وحش ورجلك مفوتة على الاخر ومش مركز و مش بتزيد مع المهاجمين 7\10
تريكة : مالك يا حبيب والديك فى حد مزعلك بقالك مدة ماظهرتش بعشر مستواك حتى بس معذور ياباشا وعاجبنا 7\10
متعب: ثانى افضل لاعب فى المباراة بعد فلافيو بس ياريت يا باشا تركز اكثر من كدة لان متعب لام يفضل الافضل 8\10
فلافيو : مش عارف يافلافيو مالك الموسم دة قلنا عايز تمشى بس فاجئتنا وجددت ارجع بقى لمستواك يا اسطورة 7\10
بلال واحمد صديق لا تعليق
@@@@@@@@@@@@@@@@@@@@@@@@@@@@@@@@@@@@@@@
خامسا فرص الاهلى والزمالك فى دورى الابطال
كويسة جدا بعد لما البطولة فضيت من اشباه المنافسن
لكن الحذر كل الحذر من التحكيم السئ على راى دكتور علاء صادق
لكن القطبين محتاجين تدعيم كبير
الاهلى محتاج الراحة السلبية محتاج حارس مرمى عملاق و ليبرو و ظهير ايسر مع عودة وائل و حسن مصطفى وانضماام احمد حسن
الزمالك للاسف محتاج خط نص بالكامل و محتاج ليبرو كويس وكمان مساك يعنى الزمالك محتاج بالراحة كدة خمس لعيبة سوبر
واهم من دة كله لازم البلدوزر ما يحترفش و لو احترف انسوا الدورى لمدة سنتين كمان مع احترامى لباقى مهاجمى الزمالك
و من غير تدعيم الزمالك فارجوكم يا جماعة اجلوا الكلام عن عودة الزمالك قليلا واللى يؤكد كلامى ان الزمالك قبل مايبدا المتش ماتضمنش ايه اللى هيحصل
الشئ الوحيد المضمون ان الزمالك لازم هيخش فيه جون ايه اللى هيحصل بعد كدة الله اعلم وراجعوا المباريات وانتم تتاكدوا من ضعف خطى الوسط والدفاع
لكن عن قوة خط الهجوم بقيادة المايسترو شيكابالا و الموهوب جمال حمزة والبلدوزر عمرو زكى فحث ولا حرج
بس اكثر شئ مخزى فى الكلام دة كله هو موقف ادارة الزمالك من المدعو ابو العلا باشا بجد يعنى no comment
@@@@@@@@@@@@@@@@@@@@@@@@@@@@@@
كلام فى الهوا
كابتن الجوهرى : انت شكلك بدات تخرف واعراض الشيخوخة والزهايمر باينة على وشك يا عم يعنى هى ناقة ارهاق وضغط ماتشات بدون فائدة
دورى 23 ايه بس اللى انت عايز تعمله والهدف منه ايه والموارد اللى هيجيبها ايه ويعنى ايه لاعبى الاهلى لازم ينضموا معسكر الاعداد
جيمى الغندور : اشوف فيك يوم يا اخى دة مستوى تحكيمى دة اخطاء فاضحة و مخلة بالاداب كمان طول عمرى باقول ان الاسبان طول عمرهم عندهم حق
دكتور علاء صادق : افضل محلل رياضى موجود على الساحة وصاحب اكثر البرامج شعبية و اكثر الناس جراة ولكنه فى ا لوقت الاخير بدا يبين للمشاهد انه مش اهلاوى و دة مش عيب و انا باويده فى اللى بيعمله بس امبارح قال ان عبد الله السعيد لازم يلعب اساسى فى المنتخب طب يلعب على مين يا كابتن
وكام مالك فرحان قوى كدة بالاتحاد والاوليمبى ومعروف ان الاتحاد كدة كدة قاعد فى الدورى والاوليمبى سنة فوق وسنة تحت
بس برضة انت الافضل يا دكتور
مجدى عبد الغنى : يعنى مفيش شوية من الاحمر يعنى انت معترض على اراحة اللعيبة طب قول لى اللعيبة هتستريح امتى شكلك مش هتجيبها البر على العموم اهم حاجةانك تحافظ على السراول فى مكانه ومش ناقصة فضايح
عماد سليمان : ايه يا باشا فيه ايه لما علاء صادق امبارح قالك ان الجيش عنده مباراة سهلة مع الاهلى قعدت تضحك بطريقة هيسترية خير اللهم اجعله خير
حسنى عبد ربه : مالك يا ابنى فيه ايه لازم تعرف ان اللاعب قليل الادب عمره قليل فى الملاعب فارجوك احتفظ بهدوءك و العقلانية المعروفة عنك
حسام وهيما : على فكرة يا رجالة انتم ماعملتوش انجاز ولا اضافتوا حاجة للمصرى المصرى كل سنة بيلعب نفس اللعبة وبيقعد فى الدورى ياما بالتحكيم يابالبلطجة يابالعافية المهم انكم ماضفتوش جديد
سيف عمر : ياعم خليك فى فرقتك و مبروك الهبوط مضمون
عبد الله السعيد : مهارة غير عادية نصيحتى ليك حافظ على مستقبلك و شوف اللى قبلك عملوا ايه ووصلوا لفين سواء قعدوا فى الاسماعيلى او راحوا حتة تانية
بقلم : dr mustafa
موضوع: **بلال وجوزيه والفرصة الضائعة **وبعدين**كيف تكون الكاس مصرية** 
الإثنين مايو 12, 2008 5:16 pm
